Birgir P. Hjartarson

Bloggleysi

2003-10-15T12:01:00.000Z

Jæja, mættur aftur. Búinn að vera í blogg fríi allt of lengi. Nú hljóta að fara detta inn verkefni hjá mér.

Tæknisaga

2003-09-24T12:18:00.000Z

Nokkrir punktar varðandi mína eigin tæknisögu.

1982 - Fór í tölvuskóla Atari, þá staðsettur í Skipholti. Farið í sögu og uppbyggingu tölvunnar og byrja að kenna forritun í Basic.
1982 - Eignaðist fyrstu tölvuna. Sinclair Spectrum 48k. Í henni var innbyggður basic túlkur
1984 - Keypti Apple IIe 64k, með utanáliggjandi diskettudrifi (5 1/4"), og með innbyggðum basic túlki. Þetta var ein af fyrstu heimilistölvunum sem stóðu til boða á skikkanlegu verði. Hægt var að opna hana með einu handtaki og bæta við vélbúnaði, þá mjög takmarkað. Fyrir þessar tölvur var framleiddur skrifstofupakki, Apple Works, sem innihéllt ritvinnsluforrit og töflureikni ásamt fleiru.
1985 - Keypti Commodore 64k. þessi tölva var aðallega notuð í leiki. Hafði slott fyrir rom kubba og utanáliggjandi kassettutæki til að hlaða inn forritum. Byrjaði aðeins að fikta við assembler í þessari.
1985 - Byrjaði að læra forritun í Verszlunarskólanum, True Basic. Fyrsta hlutbunda forritunarmálið sem ég kynntist og skrifai ég þónokkur smærri forrit í TB.
1988 - Fyrsta Pc tölvan. Epson 512k. Keyrði á DOS stýrikerfinu, með innbyggðu 5 1/4" diskettudrifi. Í þessa tölvu skrifaði ég aðallega forrit og var að þreifa mig áfram í forritunarmálum.
1988 - Fór á eftirfarandi námskeið hjá Tölvuháskóla Verslunarskóla Íslands:
1. Forritun í Turbo Pascal
2. Multiplan töflureiknir
3. DBase gagnagrunnsforritun
1993 - 1994 Lærði á Wordperfect ritvinnslu og Excel töflureikni.
1996 - Tók eftirfarandi kúrsa í Tölvuháskóla Verzlunarskóla Íslands:
1. Forritun í Turbo Pascal
2. Kerfisgreining
3. Hönnun hugbúnaðar (Viðmótshönnun og Delphi II)
4. Tölvur, Stýrikerfi og Net (Farið í helstu stýrikerfin, Windows95, Dos, Unix, Os400.)
1996 - Næsta tölva, intel 133, 1,6Gb harðurdiskur, 8Mb minni.
1997 - Fyrsta mótemið.
1997 - 2001 Tölvan uppfærð og stælkkuð reglulega.
1998 - Fyrsti Gsm síminn, Nokia 3310
2001 - Tók inn Adsl um haustið, 256 Kb/per.sek.
2003 - Staðan í dag. Tölva - 1.3 Gh örgjörvi, 512 333Mh minni, 260- 400 Gb geymslupláss ofl. Adsl 1,5 Mb/per.sek.

Vefrallý

2003-09-23T16:05:00.000Z

Var að fá beiðni frá félaga mínum, sem er grunnskólakennari á Grundarfirði, um að fá að leggja vefrallýið mitt fyrir nemendur í 7. og 8. bekk. Verður keyrt í gegn í næstu viku. Fínt að fá svörun um hvernig það virkar.

Vefrallý

2003-09-21T18:22:00.000Z

Jæja. Þá er vefrallýið mitt að verða tilbúið. Það er hugsað fyrir nemendur á miðstigi grunnskóla og eldri. Ég ætla að nota "Þingvallavefinn" og verð með eftirfarandi spurningar:
1. Hvenær var alþingi stofnað á Þingvöllum?
2. Hvað voru þingfarabændur margir í lok 11. aldar?
3. Hvað var lögrétta og hvar var hún staðsett?
4. Hvað sátu margir í lögréttu?
5. Hvað var eina launaða embætti þjóðveldisins?
6. Hvenær voru lög fyrst rituð á Íslandi?
7. Hvar voru þau rituð?
8. Hvenær vara Jónsbók samþykkt sem lögbók?
9. Hvenær var Stóridómur lögfestur?
10. Hvenær var núverandi Þingvallakirkja vígð?
11. Hvenær var lögð brú yfir Flosagjá?
12. Hver teiknaði Þingvallabæinn?
13. Hvenær var síðasta þingið á Þingvöllum?
14. Hvaða hátíð var á Þingvöllum árið 1874?
15. Nefndu fimm stórar hátíðir sem voru haldnar á Þinvöllum á 20. öldinni?
16. Hvað finnast margar tegundir ferskvatnsfiska í Þingvallavatni?
17. Hver er þekktasti fugl Þingvallavatns?
18. Hvað lifa margar fuglategundir að staðaldri við Þingvallavatn?
19. Hvað starfa margar landverðir á Þingvöllum á sumrin?
20. Hvenær voru Þingvellir gerðir að þjóðgarði?

Meira Blogg

2003-09-17T18:35:00.000Z

Jæja, þar kom að því. Búið að vera svo brjálað að gera að ég hef gleymt að blogga og var minntur hressilega á það í dag (point taken). Var að byrja að setja upp nýjan vef í dag í sambandi við námskeiðið í upplýsingatækni þannig að nú fer allt að fara af stað.

Vefir fyrir kennara, hmmm

2003-09-10T13:56:00.000Z

Það er greinilega til fullt af sniðugum vefsíðum sem kennarar geta notfært sér við kennslu í upplýsingatækni. Einn þeirra er vefur frá Fjölbrautarskóla vesturlands þar sem er fullt af efni til að nota við efnisgerð í upplýsingatækni. Vefurinn utn.is er settur upp til að aðstoða kennar í framhaldsskólum við námsefnisgerð í upplýsingatækni. Menntamálaráðuneytið heldur úti vefnum "menntagátt" með fréttum og námsefni fyrir ýmsar greinar grunn- og framhaldsskóla.

Samskiptakerfi - Spjallkerfi

2003-09-10T13:43:00.000Z

Hér ætlaði ég að fjalla um og bera saman nokkra samskipta- og/eða spjallvefi. Eftir stutta athugun er mér ljóst að ótrúlegur fjöldi er til af slíkum vefjum ætla ég því frekarað benda á nokkra slíka vefi svo þið getið skoðað þá sjálf.
málefnin.com - Fjölbreyttur vefur um allt sem brennur á fólki í þjóðmálaumræðunni
einkal.is - Viltu kynnast fólki?
friendster.com - Fleira fólk og fleiri vinir

Kynning

2003-09-10T13:01:00.000Z

Sæl öll. Til að byrja með er við best að ég kynni mig aðeins. Ég heiti Birgir Páll Hjartarson, kallaður Biggi, og stunda nám á öðru ári við Kennaraháskólann. Kjörsvið mín í skólanum eru raungreinar og upplýsingatækni. Fyrir utan skólatíma fer mest af mínum tíma í að æfa og þjálfa karate hjá karatedeild Breiðabliks og æfa Aikido hjá Aikido félagi Reykjavíkur. Líklega læt ég flakka fleiri persónulegar upplýsingar með tímanum, en læt þetta vera nóg í bili.

Fyrsti tími í uppl.tækni og skólastarf

2003-09-03T14:37:00.000Z

Prufa ...........